23
Sat, Nov
481 New Articles

နေပြည်တော်၊ နိုဝင်ဘာ ၂၀၁၉ (ဆင်ဟွာ)

ကမ္ဘာ့ဘဏ်က ထုတ်ပြန်သည့် စီးပွားရေးလုပ်ငန်းများ လုပ်ကိုင်ရန် လွယ်ကူမှု ၂၀၂၀ အစီရင်ခံစာတွင်  မြန်မာနိုင်ငံက ၄၆ ဒသမ ၈ မှတ်ရရှိခဲ့ကြောင်း၊ အဆိုပါ ရလဒ်ကောင်းများကို ဆက်လက် ထိန်းထားပြီး ပြည်တွင်းရှိ လုပ်ငန်းကဏ္ဍ အသီးသီး၊ ပုံစံအသီးသီးတို့တွင် ပိုမိုလွယ်ကူစွာ လုပ်ကိုင်ဆောင်ရွက် နိုင်စေရေးအတွက် ဆက်လက် အားစိုက်ကြိုးစားသွားကြရန် လိုအပ်ကြောင်း နိုင်ငံတော်၏ အတိုင်ပင်ခံ ပုဂ္ဂိုလ်က နေပြည်တော် MICC II တွင် ယနေ့ ကျင်းပသည့် ကုန်သည်များနှင့် စက်မှု လက်မှု လုပ်ငန်းရှင်များ အသင်းချုပ် နှစ် ၁၀၀ပြည့်ပွဲ၌ ပြောကြားခဲ့သည်။

ရန်ကုန်၊ နိုဝင်ဘာ ၂၁ ရက် (ဆင်ဟွာ)

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အာဆီယံ-ကိုရီးယား ထိပ်သီး အစည်းအဝေးနှင့် မဲခေါင်-ကိုရီးယားထိပ်သီးအစည်းအဝေးတက်ရောက်ရန် ကိုရီးယား သမ္မတနိုင်ငံသို့ သွားရောက်မည်ဖြစ်ကြောင်း နိုင်ငံတော် အတိုင်ပင်ခံရုံးကယနေ့သတင်းထုတ်ပြန်သည်။

ရန်ကုန်၊ နိုဝင်ဘာ ၂၀ ရက် (ဆင်ဟွာ)

ရခိုင်ပြည်နယ် နေရပ်စွန့်ခွာသူများ ကိစ္စ နှင့် ပတ်သက်၍ အပြည်ပြည်ဆိုင်ရာတရားရုံး (ICJ) တွင် မြန်မာနိုင်ငံ ၏ အကျိုးစီးပွားကာကွယ်ရန်အတွက် နိုင်ငံတော် ၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင် ဦးစီးဆောင်ရွက်မည်ဖြစ်ကြောင်း နိုင်ငံတော် အတိုင်ပင်ခံရုံးက ယနေ့ ထုတ်ပြန်သည်။

နေပြည်တော်၊ နိုဝင်ဘာ ၂၀ရက် (ဆင်ဟွာ)

တပ်မတော်သား အမျိုးသား လွှတ်တော် ကိုယ်စားလှယ် ဗိုလ်မှူးချုပ် အောင်စန်းချစ် အပါအဝင် တပ်မတော်သား လွှတ်တော်ကိုယ်စားလှယ် ၁၄၄ ဦးတို့က ပြည်ထောင်စုလွှတ်တော်သို့ စက်တင်ဘာ ၂၀ ရက်နေ့တွင် တင်သွင်းလာသည့် ဖွဲ့စည်းပုံအခြေခံ ဥပဒေကို ဒုတိယအကြိမ် ပြင်ဆင်သည့် ဥပဒေ မူကြမ်းအား ရှေ့ဦး တင်သွင်းထားသည့် ဒုတိယအကြိမ် ပြင်ဆင်သည့် ယခင် ဥပဒေ မူကြမ်း သုံးခုနှင့်  ပြည်ထောင်စုလွှတ်တော်က ဖွဲ့စည်းတာဝန်ပေးအပ်ထားသည့် ဖွဲ့စည်းပုံအခြေခံ ဥပဒေ(၂၀၀၈) ပြင်ဆင်ရေး ပူးပေါင်းကော်မတီက တင်သွင်းလာမည့် ပြင်ဆင်သည့် ဥပဒေမူကြမ်းနှင့် တစ်ပြိုင် တည်း ယှဉ်တွဲ၍ ပြည့်စုံသော ပြင်ဆင်သည့် ဥပဒေမူကြမ်းများ အဖြစ် လွှတ်တော်သို့ တင်သွင်းနိုင် ရေး ဆောင်ရွက်သင့်ကြောင်း  ပြည်ထောင်စုလွှတ်တော် ဥပဒေကြမ်း ပူးပေါင်းကော်မတီဝင် ဒေါက်တာ မြတ်ဉာဏစိုးက ပြည်ထောင်စု လွှတ်တော် ယနေ့ အစည်းအဝေးတွင် ရှင်းလင်း တင်ပြခဲ့သည်။

နေပြည်တော်၊ နိုဝင်ဘာ ၁၉ ရက် (ဆင်ဟွာ)

"ယာဉ်အန္တရာယ် ကင်းရှင်းရေးနှင့် မော်တော်ယာဉ် စီမံခန့်ခွဲမှု ဥပဒေကြမ်း"ကို အမျိုးသား လွှတ်တော် ယနေ့ အစည်းအဝေး၌ ပို့ဆောင်ရေးနှင့် ဆက်သွယ်ရေး ဝန်ကြီးဌာန ဒုတိယ ဝန်ကြီး ဦးကျော်မျိုးက တင်သွင်းခဲ့သည်။

ရန်ကုန် ၊ နိုဝင်ဘာ ၁၈ ရက်(ဆင်ဟွာ)

ဒုတိယသမ္မတ ဦးဟင်နရီဗန်ထီးယူ ဦးဆောင်သော ကိုယ်စားလှယ်အဖွဲ့သည် ကမ္ဘောဒီးယား နိုင်ငံ ဖနောင်ပင်မြို့၌ ကျင်းပမည့် အာရှ-ပစိဖိတ် ထိပ်သီးအစည်းအဝေး သို့ တက်ရောက်ရန် နိုဝင်ဘာ ၁၈ ရက် နံနက်ပိုင်းတွင် ရန်ကုန်မြို့မှ လေကြောင်းခရီးဖြင့် ထွက်ခွာ သွားခဲ့ကြောင်း နိုင်ငံတော် သမ္မတရုံး၏ ထုတ်ပြန်မှု အရ သိရသည်။

နေပြည်တော်၊ နို၀င်ဘာ ၁၈ ရက် (ဆင်ဟွာ)

နို၀င်ဘာလ ၁၃ ရက် နေ ့၌ ပြည်ထောင်စု လွှတ်တော်သို ့ တင်သွင်းခဲ့သည့် “ရခိုင်လက်နက်ကိုင်အဖွဲ့ AA က အကြမ်းဖက် ဖမ်းဆီးခေါ်ဆောင်သွားခြင်းသည် နိုင်ငံတော်က ဆောင်ရွက်နေသည့် အမျိုးသား ရင်ကြားစေ့ရေးနှင့် ငြိမ်းချမ်းရေးဖော်ဆောင်မှုတို့အပြင် ပြည်သူလူထုဆန္ဒနှင့် ကိုယ်စားပြုမှုအပေါ် တိုက်ရိုက်ဆန့်ကျင်အကြမ်းဖက်ခြင်း ဖြစ်သဖြင့် ပြည်ထောင်စုလွှတ်တော်က ပြင်းထန်စွာ ကန့်ကွက် ရှုတ်ချကြောင်းနှင့် ယခုကဲ့သို့ ချင်း အမတ် ဦးဝှေ့တင်းနှင့်တကွ ဝန်ထမ်းများ၊ အရပ်သားများကို ဖမ်းဆီးခြင်းမှ လုံခြုံစိတ်ချ အန္တရာယ်ကင်းရှင်းစွာ ခြွင်းချက်မရှိ အမြန်ဆုံး ပြန်လည်လွတ်ပေးပါရန် တောင်းဆို ကြောင်း” အဆိုအား ယနေ ့ပြည်ထောင်စုလွှတ်တော်အစည်းအေ၀းတွင် လွှတ်တော် ကိုယ်စားလှယ် ရှစ်ဦးတို ့က ဆွေးနွေးခဲ့ကြပြီး လွှတ်တော်က အတည်ပြုခဲ့ခြင်း ဖြစ်သည်။

ရန်ကုန် ၊ နိုဝင်ဘာ ၁၇ ရက်(ဆင်ဟွာ)

ကရင် ပြည်နယ် ၊ မြဝတီ မြို့နယ်၌ ဒေသကာလပေါက်စျေး ငွေကျပ် ၂၄,၈၀၀ သိန်း တန်ဖိုးရှိ ICE ၃၁ ကီလိုဂရမ်ကို မူးယစ်ဆေးဝါး တားဆီး နှိမ်နင်းရေး ရဲတပ်ဖွဲ့စု(၃၂)မြဝတီမှ နိုဝင်ဘာ ၁၆ ရက်တွင် ဖမ်းဆီးရမိခဲ့ကြောင်း မူးယစ်ဆေးဝါးအလွဲသုံးစွဲမှုတိုက်ဖျက်ရေး ဗဟို ကော်မတီ  (CCDAC) က ယနေ့ သတင်း ထုတ်ပြန်ခဲ့သည်။

ရန်ကုန်၊ နိုဝင်ဘာ ၁၆ ရက် (ဆင်ဟွာ)

နေပြည်တော်ကောင်စီနယ်မြေ၊ တိုင်းဒေသကြီး/ ပြည်နယ်များမှ တရားမဝင် သစ်တန် ၇၅၀ ကျော် သိမ်းဆည်းရမိခဲ့ကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ၏ ထုတ်ပြန်ချက်အရ သိရသည်။ 

နေပြည်တော်၊ နို၀င်ဘာ ၁၅ ရက်(ဆင်ဟွာ)

မြန်မာနိုင်ငံသည် ရခိုင်ပြည်နယ်အရေးနှင့် ပတ်သက်ပြီး နိုင်ငံတကာမှ ဖိအားများ ပိုများလာသော ကြောင့် ပြည်တွင်း၌စည်းလုံး ညီညွတ်ဖို ့ လိုအပ်သည်ဟု သမ္မတရုံး ပြောရေးဆိုခွင့်ရ ပုဂ္ဂိုလ်၊ နိုင်ငံတော်၏ အတိုင်ပင်ခံရုံး ညွှန်ကြားရေးမှူးချုပ်ဦးဇော်ဌေးက ယနေ ့ ညနေပိုင်းတွင် ပြောကြားခဲ့သည်။