23
Fri, Aug
523 New Articles

၇၂ နှစ်မြောက် အာဇာနည်နေ့ တွင် အာဇာနည် ဗိမာန် ၊ ၀န်ကြီးများရုံး နှင့် ဗိုလ်ချုပ် အောင်ဆန်း ပြတိုက် (ရန်ကုန်) သို့ လာရောက်သူ များပြား 

ရန်ကုန်မြို့ ရှိ ၀န်ကြီးများရုံး(ယခင် အတွင်းဝန်ရုံး)၌ ကျင်းပသော အာဇာနည်နေ့ အခမ်းအနားအား တွေ့ ရစဉ် (ဆင်ဟွာ) Politics, Law & Military

ရန်ကုန် ၊ ဇူလိုင် ၁၉ ရက်(ဆင်ဟွာ)

၇၂ နှစ်မြောက် အာဇာနည်နေ့ ဖြစ်သည့် ယနေ့ ဇူလိုင် ၁၉ ရက်တွင် ရန်ကုန်မြို့ ရှိ အာဇာနည် ဗိမာန် ၊ ၀န်ကြီး များ ရုံး(ယခင် အတွင်း ၀န်ရုံး) နှင့် ဗိုလ်ချုပ် အောင်ဆန်း ပြတိုက်သို့ ပြည်သူ အများအပြား လာရောက် လေ့လာ ၊ ဂါရ၀ပြုခြင်းများ ပြုလုပ်ခဲ့ကြကြောင်း သိရသည်။

ရန်ကုန်မြို့ ဗဟန်း မြို့ နယ်ရှိ အာဇာနည် ဗိမာန်၌ ၇၂ နှစ်မြောက် အာဇာနည်နေ့ အခမ်းအနား ကျင်းပခဲ့ပြီး နိုင်ငံ ခေါင်းဆောင် များ နှင့် အာဇာနည် မိသားစုဝင်များ တက်ရောက် ဂါရ၀ပြုခဲ့ပြီးနောက် နေ့ လည်ပိုင်း အချိန်တွင် ပြည်သူ အများအပြား လာရောက် ဂါရ၀ပြုခဲ့ကြကြောင်း သိရသည်။

ရန်ကုန်မြို့ ဗဟန်းမြို့နယ်ရှိ ဗိုလ်ချုပ်အောင်ဆန်း ကြေးရုပ်တုတွင် လာရောက် ဂါရ၀ပြုသူများအား တွေ့ ရစဉ် (ဆင်ဟွာ)

ရန်ကုန်မြို့ ရှိ ၀န်ကြီးများရုံး(ယခင် အတွင်းဝန်ရုံး)၌ ယနေ့ နံနက်ပိုင်းတွင် အာဇာနည်နေ့ အခမ်းအနားအား ကျင်းပခဲ့ရာ ရန်ကုန်မြို့ တော် စည်ပင်သာယာရေး ကော်မတီ ဥက္ကဋ္ဌ မြို့ တော်ဝန် ဦးမောင်မောင်စိုး နှင့် ဌာနဆိုင်ရာ တာဝန်ရှိသူများ ၊ ကျောင်းသား/သူများ တက်ရောက်ခဲ့ကြကြောင်း သိရသည်။

အဆိုပါ အခမ်းအနားတွင် တက်ရောက်လာသူများက ဗိုလ်ချုပ်အောင်ဆန်း နှင့် တကွ အာဇာနည် ခေါင်းဆောင် ကြီး များအား အလေးပြုခြင်း ၊ မေတ္တာပို့ အမျှပေးဝေခြင်း ၊ အလံအား တိုင်ဝက် လျှော့ချ လွှင့်ထူခြင်းများ ပြုလုပ် ခဲ့ကြကြောင်း သိရသည်။

ဝန်ကြီးများရုံးသို့ လာရောက် အလေးပြုခဲ့သော သရုပ်ဆောင် မိုးပြည့်ပြည့်မောင်က “အခု ဒီအခမ်းအနားပွဲ တက်ရောက်ခွင့် ရခဲ့တဲ့ အချိန်မှာလဲ နိုင်ငံသား တစ်ယောက် အနေနဲ့  အလေးပြု ရမယ့်သူကို လာရောက် ပြီးတော့ အလေးပြုရခြင်း ဖြစ်ပါတယ်။ဒီကို လာတော့ ပိုပြီး ၀မ်းနည်းရတယ်။ခုချိန်ထိ ခံစားချက်ကတော့ ဟိုးငယ်ငယ်ထဲက ခံစားချက်နဲ့ ခုချိန်ထိ အံ့သြစရာ ကောင်းလောက်အောင် အတူတူပဲ ဖြစ်နေတာ။ ကိုယ်ဘာမှ မသိခင်ထဲက ဥသြဆွဲသံ ကြားရင် ရင်ထဲမှာ တစ်ခုခု ပါသွားသလို ခံစားရတယ်။ အခုကြတော့ အဲဒီ ခံစားချက်ကို တစ်ထပ်တည်း ဖြစ်ပြီးတော့ ပိုပြီး သိလာတဲ့ အချိန်မှာတော့ စိတ်က နှမျောတဲ့ စိတ် ပိုပါလာတာပေါ့။”ဟု ပြောကြားခဲ့သည်။

အာဇာနည် ခေါင်းဆောင်ကြီးများ ကျဆုံးခဲ့သည့် အချိန်တွင် ၀မ်းနည်းခြင်း အထိမ်းအမှတ် ဥသြဆွဲ အချက်ပေးရာ ငြိမ်သက်စွာ အလေးပြုနေသူများအား တွေ့ ရစဉ် (ဆင်ဟွာ)

ထို့ အတူ ၀န်ကြီးများရုံး(ယခင် အတွင်းဝန်ရုံး)အား ဇူလိုင် ၁၉ ရက်မှ ၂၁ ရက် အထိ နံနက် ၉ နာရီ မှ ၅ နာရီ အတွင်း ပါလီမန် အဆောက်အဦ နှင့် အထိမ်းအမှတ် ကျောက်တိုင် နေရာများကို အများပြည်သူ ဝင်ရောက် လေ့လာနိုင်ရန်နှင့် ဂါရဝပြုနိုင်ရန် အခမဲ့ ဝင်ရောက်ခွင့် ပြုသွားမည် ဖြစ်ကြောင်း သိရသည်။

ဗိုလ်တထောင် မြို့ နယ် အ.ထ.က(၂)မှ အဋ္ဌမတန်း ကျောင်းသား မောင်ကောင်းမြတ်ဆန္ဒ က “ကျဆုံး လေပြီး သော အာဇာနည် ခေါင်းဆောင်ကြီးတွေကို အလေးပြုခွင့် ရတဲ့ အတွက် အရမ်းကို ဂုဏ်ယူမိပါတယ်။ အာဇာနည် ခေါင်းဆောင်ကြီးတွေ လွတ်လပ်ရေး ရယူပေးပုံတွေ  ၊ တခြား အတုယူ စရာတွေလဲ လေ့လာခွင့် ရတဲ့ အတွက် ကျွန်တော် အနေနဲ့ အရမ်းကို ဂုဏ်ယူမိပါတယ်။”ဟု ပြောကြားခဲ့သည်။

ဗိုလ်ချုပ်အောင်ဆန်းပြတိုက်(ရန်ကုန်)သို့  လာရောက် လေ့လာကြသည့် ပြည်သူများအား တွေ့ ရစဉ် (ဆင်ဟွာ)

၇၂ နှစ်မြောက် အာဇာနည်နေ့တွင် ရန်ကုန်မြို့ ဗဟန်းမြို့နယ်ရှိ ဗိုလ်ချုပ်အောင်ဆန်း ကြေးရုပ်တုတွင်လည်း  ကျောင်းသား/သူများ ၊ ဌာနဆိုင်ရာ တာဝန်ရှိသူများ ၊ အသင်းအဖွဲ့ များ ၊ ပြည်သူများ လာရောက် ဂါရ၀ပြုခဲ့ကြပြီး အာဇာနည် ခေါင်းဆောင်များ ကျဆုံးခဲ့သည့် နံနက် ၁၀ နာရီ ၃၇ မိနစ် အချိန်တွင် အာဇာနည် ခေါင်းဆောင်ကြီးများ ကျဆုံးသည့် နံနက် ၁၀ နာရီ ၃၇ မိနစ် အချိန်တွင် ၀မ်းနည်းခြင်း အထိမ်းအမှတ် ဥသြဆွဲ အချက်ပေးခဲ့ရာ ပြည်သူများက ငြိမ်သက်စွာ နေ၍ ဂါရ၀ပြုခဲ့ပြီး ယင်းအချိန်တွင် သွားလာနေသည့် မော်တော်ယာဉ်များ ခေတ္တရပ်ပြီး ဟွန်းတီးခြင်းများ ပြုလုပ်ခဲ့ကြသည်။

၇၂ နှစ်မြောက် အာဇာနည်နေ့ အထိမ်းအမှတ် အဖြစ် ရန်ကုန်မြို့ ဗဟန်းမြို့နယ် ဗိုလ်ချုပ်ပြတိုက်လမ်း(တာဝါ လိန်းလမ်း)ရှိ ဗိုလ်ချုပ်အောင်ဆန်းပြတိုက်အား ယနေ့ ဇူလိုင် ၁၉ ရက်မှ ၂၁ရက်အထိ နေ့စဉ် နံနက် (၆) နာရီမှ ညနေ (၆)နာရီအထိ ၀င်ကြေး အခမဲ့ဖြင့်  အထူးပြပွဲများကို ခင်းကျင်း ပြသ လျက် ရှိရာ ယနေ့ တွင် လာရောက် လေ့လာသူ များပြားခဲ့ကြောင်း သိရသည်။

ဗိုလ်ချုပ်အောင်ဆန်း ပြတိုက်သို့ လာရောက် လေ့လာခဲ့သည့် ပြည်သူ တစ်ဦး ဖြစ်သူ ကိုရဲက “ကျွန်တော်တို့  မြန်မာနိုင်ငံ လွတ်လပ်ရေး ရအောင် ကြိုးစားခဲ့တဲ့ အာဇာနည်ကြီးတွေ ဆုံးပါး သွားတဲ့နေ့  ဖြစ်တော့ ၀မ်းနည်း ပူဆွေးရပါတယ်။ သူတို့ ရဲ့ လုပ်ဆောင်ချက်တွေကို ရင်ထဲမှာ အမှတ်တရ ထားပြီးတော့ လူငယ်တွေ ရှေ့ ဆက် အားမွေးရမှာပါ။ဒီလို အမှတ်တရ လာကြည့်ပြီး အားမွေးရမယ့်နေ့ ပါ။”ဟု ပြောကြားခဲ့သည်။

ယခုနှစ် အာဇာနည်နေ့ တွင် ဗိုလ်ချုပ်အောင်ဆန်းနေအိမ် ပြတိုက် အပေါ်ထပ်အား ကြံခိုင်မှု ပြင်ဆင် ပြီးစီး၍ တစ်ကြိမ်လျှင် လူ ၅၀ ဖြင့် အပေါ်ထပ်သို့ အလှည့်ကျလေ့လာ ကြည့်ရှုခွင့်ရရှိခဲ့ကြောင်း ၊ ယမန်နှစ်က ပြတိုက် အတက်လမ်းတစ်လျှောက် တွင် ဗိုလ်ချုပ်၏ အဆိုအမိန့်များကို ပြသခဲ့ပြီး ယခုနှစ်တွင် ဗိုလ်ချုပ်ပုံပါသော တံဆိပ်ခေါင်းများကို ဘုတ် ၁၈ ခုဖြင့် ပြသ ခဲ့ကြောင်း သိရသည်။

ဗိုလ်ချုပ်အောင်ဆန်း ပြတိုက်တွင် ဗိုလ်ချုပ်အောင်ဆန်း စီးနင်းခဲ့သည့် ကား ၊ နေအိမ် ပြတိုက် သမိုင်း ၊ ဗိုလ်ချုပ် အောင်ဆန်း သက်ရှိထင်ရှားရှိစဉ်က နေထိုင်သွားလာလှုပ်ရှားမှု ဓာတ်ပုံ မှတ်တမ်းများ၊ ဗိုလ်ချုပ်၏ ဖယောင်းပုံတူ ၊ ဗီဒီယို ပြကွက်များအား ခင်းကျင်းပြသထားကြောင်း သိရသည်။(Xinhua)