ရန်ကုန်၊ အောက်တိုဘာ ၃၁ ရက် (ဆင်ဟွာ)

COVID-19 အတည်ပြုလူနာသစ် (၁,၂၁၀) ဦးအားတွေ့ရှိခဲ့ပြီးနောက် မြန်မာနိုင်ငံတွင် အတည်ပြုလူနာစုစုပေါင်း(၅၂,၇၀၆) ဦးရှိလာပြီဖြစ်ကာ လူနာ(၁၈)ဦးထပ်မံသေဆုံးခဲ့သဖြင့် ၊ ယနေ့အထိ သေဆုံးသူ စုစုပေါင်း (၁,၂၃၇) ဦးရှိပြီဖြစ်ကြောင်း ကျန်းမာရေး နှင့် အားကစားဝန်ကြီးဌာန ၏ အောက်တိုဘာ ၃၁ ရက်ညပိုင်းတွင် ထုတ်ပြန်ချက်အရ သိရသည်။

ဂျီနီဗာ၊ အောက်တိုဘာ ၃၁ ရက် (ဆင်ဟွာ)

ကမ္ဘာ့ကျန်းမာရေးအဖွဲ့ (WHO) COVID-19 ဆိုင်ရာ အရေးပေါ်ကော်မတီက နှစ်ရက်ကြာ အစည်းအဝေး ပြုလုပ်ပြီးနောက် ကပ်ရောဂါသည် အပြည်ပြည်ဆိုင်ရာ ပြည်သူ့ကျန်းမာရေး အရေးပေါ်အခြေအနေတစ်ရပ်အဖြစ် ဆက်လက် ကျန်ရှိနေဆဲဖြစ်ကြောင်း အောက်တိုဘာ ၃၀ ရက်က တညီတညွတ်တည်း သဘောတူခဲ့ကြောင်း သိရသည်။

နယူးယောက် ၊ အောက်တိုဘာ ၃၁ ရက် (ဆင်ဟွာ)


အမေရိကန်နိုင်ငံ ဂျွန်ဟော့ကင်းတက္ကသိုလ်၏ အောက်တိုဘာ ၃၀ ရက်ထုတ်ပြန်ကြေညာချက်အရ အမေရိကန်နိုင်ငံတွင် COVID-19 ရောဂါကူးစက်ခံရသူစုစုပေါင်း ၉ သန်းကျော်အထိ ရောက်ရှိလာကြောင်းသိရှိရသည်။

ရန်ကုန်၊ အောက်တိုဘာ ၃၀ ရက် (ဆင်ဟွာ)


COVID-19 အတည်ပြုလူနာသစ် (၁,၀၉၃) ဦးအားတွေ့ရှိခဲ့ပြီး မြန်မာနိုင်ငံတွင် အတည်ပြုလူနာစုစုပေါင်း(၅၁,၄၉၆) ဦးရှိလာပြီဖြစ်ကာ လူနာ(၂၀)ဦးထပ်မံသေဆုံးခဲ့ကြောင်း၊ ယနေ့အထိ သေဆုံးသူ စုစုပေါင်း (၁,၂၁၉) ဦးရှိပြီဖြစ်ကြောင်း ကျန်းမာရေး နှင့် အားကစားဝန်ကြီးဌာန ၏ အောက်တိုဘာ ၃၀ ရက်ညပိုင်းတွင် ထုတ်ပြန်ချက်အရ သိရသည်။

ရန်ကုန်၊ အောက်တိုဘာ ၃၀ ရက် (ဆင်ဟွာ)

မြန်မာနိုင်ငံ ပါတီစုံဒီမိုကရေစီ အထွေထွေရွေးကောက်ပွဲ၌ အသုံးပြုရန် တရုတ်နိုင်ငံမှ ဝယ်ယူထားသည့် မဲပေးသူများအား အမှတ်အသားပြုမည့် ကြာရှည်ခံမင်ဘူးများ ယခုရက်ပိုင်းတွင် မြန်မာနိုင်ငံသို့ အသုတ်ခွဲ၍ ရောက်ရှိလာကြောင်း၊ တရုတ်နိုင်ငံအစိုးရ သက်ဆိုင်ရာဌာနများနှင့် မြန်မာနိုင်ငံဆိုင်ရာတရုတ်သံရုံးမှ အဆိုပါမင်ဘူးများ တရုတ်နိုင်ငံ၌ အရည်အသွေးစစ်ဆေးခြင်း၊အကောက်ခွန်ရှင်းလင်းခြင်းစသည်တို့ကို ကူညီဆောင်ရွက်ပေးခဲ့ကြောင်း မြန်မာနိုင်ငံဆိုင်ရာ တရုတ်သံရုံး၏  အောက်တိုဘာ ၃၀ ရက်ထုတ်ပြန်ချက်အရ သိရသည်။

စင်ကာပူ၊ အောက်တိုဘာ ၃၀ ရက် (ဆင်ဟွာ)

တရုတ်ပြည်မကြီးမှ ရက်တိုခရီးသွားဧည့်သည်များအား စင်ကာပူနိုင်ငံသို့ ဝင်ရောက်ခွင့်ပြုမည်ဖြစ်ပြီး COVID-19 ကင်းစင်ကြောင်းစစ်ဆေးပြီးပါက ၁၄ ရက် သီးခြားနေထိုင်ရန် မလိုအပ်ကြောင်း စင်ကာပူ မြို့ပြလေကြောင်း အာဏာပိုင်အဖွဲ့ (CAAS) က အောက်တိုဘာ ၂၉ ရက်တွင် ပြောကြားခဲ့သည်။

မက်ဒရစ်၊ အောက်တိုဘာ ၃၀ ရက် (ဆင်ဟွာ)


စပိန်နိုင်ငံတွင် ကိုရိုနာဗိုင်းရပ်စ် ဖြစ်ပွားမှုမြင့်တက်ကာ အခြေအနေ ပိုမိုဆိုးရွားလာခြင်းကို ထိန်းချုပ်ရန်အတွက် ဒေသ ၄ ခု ထပ်မံပိတ်ပင်ရန် အာဏာပိုင်များက ဆုံးဖြတ်ခဲ့ကြောင်း ဒေသဆိုင်ရာအုပ်ချုပ်သူများက အောက်တိုဘာ ၂၈ ရက်က ပြောကြားခဲ့သည်။

နယူးဒေလီ၊ အောက်တိုဘာ ၂၉ ရက် (ဆင်ဟွာ)


အိန္ဒိယနိုင်ငံ၏ COVID-19 ကူးစက်ခံရသူအရေအတွက်သည် ၈ သန်းကျော်လွန်သွားပြီဖြစ်ကာ အောက်တိုဘာ ၂၉ ရက်တွင် ၈,၀၄၀,၂၀၃ ဦးအထိ ရောက်ရှိလာပြီဖြစ်ကြောင်း  ကျန်းမာရေးဝန်ကြီးဌာန နောက်ဆုံးရထုတ်ပြန်ချက်အရ သိရသည်။

အန်ကာရာ ၊ အောက်တိုဘာ ၂၉ ရက် (ဆင်ဟွာ)


တူရကီ နိုင်ငံ ကျန်းမာရေးဝန်ကြီးဌာန ၏ အောက်တိုဘာ ၂၈ ရက် ထုတ်ပြန်ကြေညာချက်အရ တူရကီ နိုင်ငံတွင် ယင်းနေ့၌ COVID-19  ရောဂါ ကူးစက်ခံရသူ ၂,၃၀၅ ဦး တိုးမြင့်ခဲ့ပြီး ရောဂါကူးစက်ခံရသူ စုစုပေါင်း ၃၆၈,၅၁၃ ဦးအထိ ရောက်ရှိလာခဲ့ကြောင်း ၊ COVID-19  ရောဂါကြောင့် သေဆုံးသူ ၇၇ ဦး တိုးမြင့်ခဲ့ပြီး သေဆုံးသူစုစုပေါင်း ၁၀,၀၂၇ ဦးအထိရောက်ရှိခဲ့ကြောင်းနှင့် ရောဂါမှပြန်လည်သက်သာလာသူ ၃၁၉,၁၈၁ ဦးရှိကြောင်း သိရသည်။

ပါရီ၊အောက်တိုဘာ ၂၉ ရက်(ဆင်ဟွာ)

ကိုဗစ်-၁၉ ကပ်ရောဂါပြန့်ပွားမှုကို ဟန့်တားရန် ပြင်သစ်နိုင်ငံတွင် အောက်တိုဘာ ၃၀ ရက်မှစ၍ တစ်နိုင်ငံလုံး အတိုင်းအတာဖြင့် လော့ခ်ဒေါင်းချမည်ဖြစ်ကြောင်း ပြင်သစ်နိုင်ငံ သမ္မတ မက်ခရွန်က အောက်တိုဘာ ၂၈ ရက်တွင် ကြေညာခဲ့သည်။