ပေကျင်း၊ ဇန်နဝါရီ ၂၁ ရက်(ဆင်ဟွာ) ဘာသာပြန်/မြတ်မြတ်ဦး

COVID-19 ကာကွယ်ဆေး ထိုးနှံမှုလုပ်ငန်း တစ်စုတစ်စည်းတည်း စီမံမှုများအရ ပေကျင်းမြို့ရှိ အဓိက လူအုပ်စုများ၏ ဒုတိယမြောက် ကိုဗစ်ကာကွယ်ဆေး ထိုးနှံမှုကို ဇန်နဝါရီ ၂၂ ရက်တွင် စတင်မည်ဖြစ်ပြီး ဖေဖော်ဝါရီ ၈ ရက်မတိုင်မီ အလုံးစုံပြီးမြောက်ရန် စီစဉ်ထားကြောင်း သိရသည်။

ဂျီနီဗာ၊ ဇန်နဝါရီ ၂၁ ရက်(ဆင်ဟွာ) ဘာသာပြန်/မြတ်မြတ်ဦး

ကမ္ဘာတစ်ဝန်း ဒေသအသီးသီးတွင် ကာကွယ်ဆေးထိုးနှံမှုများ အသီးသီးဆောင်ရွက်လျက်ရှိရာ ကာကွယ်ဆေး ထုတ်လုပ်မှု၊ ပံ့ပိုးမှုနှင့် ထိုးနှံမှု အခက်အခဲပြဿနာအမျိုးမျိုးသည် အထူးအားရုံစိုက်စရာ ဖြစ်လာသည်။ ကမ္ဘာ့ကျန်းမာရေးအဖွဲ့(WHO)က ကာကွယ်ဆေး မျှတစွာ ဝေမျှရန် အမြဲအလေးထားတိုက်တွန်းခဲ့ကြောင်း သိရသည်။

ပေကျင်း၊ ဇန်နဝါရီ ၂၁ ရက် (ဆင်ဟွာ) ဘာသာပြန် - ခေါန်ရိန်

တရုတ်နိုင်ငံ China National Biotec Group (CNBG) က ထုတ်လုပ်သော COVID-19 ကာကွယ်ဆေးသည် ကျယ်ကျယ်ပြန့်ပြန့်ဖြန့်ကျက်နိုင်ပြီး မတူညီသော ကိုရိုနာဗိုင်းရပ်စ် မျိုးဗီဇကွဲများကို အားပျော့သွားစေကြောင်း CNBG အကြီးတန်းအမှုဆောင်အရာရှိတစ်ဦးက ဇန်နဝါရီ ၂၀ ရက် သတင်းစာရှင်းလင်းပွဲတွင် ပြောကြားခဲ့သည်။

ပေကျင်း၊ ဇန်နဝါရီ ၂၁ ရက်(ဆင်ဟွာ) ဘာသာပြန်/မြတ်မြတ်ဦး

ကျန်းမာရေးစနစ်တွင် လက်ခံကုသထားသည့် လူနာအမြောက်အမြားဖြစ်နေပြီး ဝန်ပိအား အလွန်ကြီးနေကြောင်း၊ အချို့ဆေးရုံများတွင် စစ်တလင်းပြင်ကဲ့သို့ ဖြစ်နေကြောင်း ဗြိတိန်အစိုးရ၏ သိပ္ပံရေးရာ ထိပ်တန်းအကြံပေးပုဂ္ဂိုလ် Patrick Vallance က ဇန်နဝါရီ ၂၀ ရက်တွင် ပြောကြားခဲ့သည်။ ဗြိတိန်၏ ဇန်နဝါရီ ၁၉ ရက် အစီရင်ခံသည့် ကိုဗစ်ထပ်တိုးသေဆုံးသူ လူနာအရေအတွက်သည် (၁,၆၁၀)ဦး ရှိခဲ့ရာ ၎င်းမှာ တစ်ရက်အတွင်း သေဆုံးသူဦးရေစံချိန်သစ်တင်ခဲ့ခြင်းဖြစ်ကြောင်း သိရသည်။

ဆန်ဒီယေဂို၊ ဇန်နဝါရီ ၂၁ ရက်(ဆင်ဟွာ) ဘာသာပြန်/မြတ်မြတ်ဦး

တရုတ်နိုင်ငံ Sinovac ကုမ္ပဏီမှ သုတေသနပြုထုတ်လုပ်သည့် COVID-19ကာကွယ်ဆေးကို အရေးပေါ်အသုံးပြုခွင့်ပေးလိုက်ပြီဖြစ်ကြောင်း ချီလီ ပြည်သူ့ ကျန်းမာရေးသုတေသနဌာန (ISP)က ဇန်နဝါရီ ၂၀ ရက်တွင် ကြေညာခဲ့သည်။

 
 
ရန်ကုန်၊ ဇန်နဝါရီ ၂၀ ရက် (ဆင်ဟွာ) ရေးသားသူ/ အိမွန်ကျော်
 
မြန်မာနိုင်ငံ၌ COVID-19 ရောဂါဖြစ်ပွားသူ ၁၃၅,၇၂၁ ဦးတွင် သေဆုံးသူ ၂၉၉၇ ဦးရှိကြောင်း ယနေ့ ညပိုင်း ကျန်းမာရေး နှင့် အားကစားဝန်ကြီးဌာနက ထုတ်ပြန်သော သတင်းအရသိရသည်။

ဘဂ္ဂဒက်၊ ဇန်နဝါရီ ၂၀ ရက် (ဆင်ဟွာ) ဘာသာပြန် - ခေါန်ရိန်

အီရတ်နိုင်ငံက COVID-19 ကပ်ရောဂါ ပျံ့နှံ့မှုကို ထိန်းချုပ်ရေးအတွက် တရုတ်နိုင်ငံ၏ Sinopharm နှင့် ဗြိတိန်နိုင်ငံ၏ AstraZeneca ကာကွယ်ဆေးများကို အရေးပေါ်အသုံးပြုရန် ဇန်နဝါရီ ၁၉ ရက်က ခွင့်ပြုလိုက်ကြောင်း သိရသည်။

ဘီဂရိတ် ၊ ဇန်နဝါရီ ၂၀ ရက် (ဆင်ဟွာ) ဘာသာပြန်/စိုးမိုး
ဆားဘီးယားနိုင်ငံကျန်းမာရေးဝန်ကြီးဌာန ဝန်ကြီး Zlatibor Loncar က ဇန်နဝါရီ ၁၉ ရက်၌ တရုတ်နိုင်ငံ Sinopharm ကုမ္ပဏီ မှ တီထွင်ထုတ်လုပ်သည့် COVID-19 ရောဂါကာကွယ်ဆေးအား ထိုးနှံမှုခံယူခဲ့ပြီး ဆားဘီးယားနိုင်ငံတွင် တရုတ်နိုင်ငံမှ ကာကွယ်ဆေးအား ပထမဦးဆုံး ထိုးနှံမှုခံယူသူ ဖြစ်လာခဲ့ကြောင်း သိရှိရသည်။

ပေကျင်း၊ ဇန်နဝါရီ ၁၉ ရက်(ဆင်ဟွာ) ဘာသာပြန်/မြတ်မြတ်ဦး

၂၀၂၀ ပြည့်နှစ် ဩဂုတ်လက ဖြစ်ပွားခဲ့သည့် လက်ဘနွန်နိုင်ငံ ဘေရွတ်ဆိပ်ကမ်းပေါက်ကွဲမှုအပြီးတွင် ဆင်ဟွာသတင်းဌာန၏ သတင်းဓာတ်ပုံတစ်ပုံကို တစ်ကမ္ဘာလုံးက အာရုံစိုက်ခဲ့ကြသည်။ အပြာရောင် သူနာပြုဝတ်စုံဝတ်ဆင်ထားသည့် လူငယ်ပိုင်းအရွယ် သူနာပြုဆရာမလေးတစ်ဦးက မွေးကင်းစအရွယ် ကလေးငယ်(၃)ဦးကို ရင်ဝယ်ပိုက်ပြီး ပခုံးတွင် တယ်လီဖုန်းညှပ်ဆက်သွယ်အကူအညီတောင်းခံနေရာ ၎င်း၏ရှေ့စားပွဲနှင့်အနောက်ကြမ်းခင်းပြင်တွင် ပေါက်ကွဲမှုကြောင့် လွင့်စင်လာသည့် အပျက်အစီးအပိုင်းအစများ ပြန့်ကျဲလျက်ရှိသည့် သတင်းဓာတ်ပုံပင် ဖြစ်ပါသည်။ ယင်းဓါတ်ပုံတင်ပြီးနောက် တစ်ကမ္ဘာလုံးရှိ အဓိကမီဒီယာများက ပြန်လည်ဖြန့်ဝေခဲ့ကြရာ လူမှုကွန်ရက်မီဒီယာများတွင်လည်း အားလုံး၏အာရုံပြုဖွယ်ရာဖြစ်ခဲ့သည်။

ရန်ကုန် ၊ ဇန်နဝါရီ ၁၉ ရက်(ဆင်ဟွာ) ရေးသားသူ/ဟေမာန်

COVID-19 နေ့စဉ်စမ်းသပ်တွေ့ရှိရမှုနှုန်းမှာ ငါးရက်ဆက်တိုက် ၂ ရာခိုင်နှုန်းကျော်သာ ရှိခဲ့ပြီး ဇန်နဝါရီ ၁၉ ရက်တွင် လူနာသစ် ၄၄၈ ဦး ၊ ပိုးတွေ့ရှိမှု ၂ ဒသမ ၂ ရာခိုင်နှုန်း ရှိကြောင်း ကျန်းမာရေး နှင့် အားကစားဝန်ကြီးဌာန၏ ထုတ်ပြန်မှုအရ သိရသည်။