ဘဂ္ဂဒက်၊ ဧပြီ ၁၂ ရက်(ဆင်ဟွာ)


တရုတ်နိုင်ငံအစိုးရမှ အီရတ်နိုင်ငံသို့ ကူညီပံ့ပိုးပေးသော ကိုဗစ်ကာကွယ်ဆေး ဒုတိယအသုတ်သည် ဧပြီ ၁၁ ရက်က အီရတ်မြို့တော် ဘဂ္ဂဒက်သို့ ရောက်ရှိခဲ့ကြောင်း သိရသည်။

နယူးဒေလီ ၊ ဧပြီ ၁၂ ရက်(ဆင်ဟွာ)
အိန္ဒိယနိုင်ငံ၌ COVID-19 ကပ်ရောဂါကြောင့် ပြီးခဲ့သော ၂၄ နာရီအတွင်း သေဆုံးသူ ၉၀၄ ဦးနှင့်အတူ သေဆုံးသူပေါင်း ၁၇၀,၀၀ဝ ကျော် (၁၇၀,၁၇၉ဦး ) ထိ ရောက်ရှိလာခဲ့ကြောင်း ဗဟိုအစိုးရက ဧပြီ ၁၂ ရက်တွင် နောက်ဆုံးထုတ်ပြန်ထားသော အချက်အလက်များအရ သိရသည်။

မနီလာ ၊ ဧပြီ ၁၂ ရက်(ဆင်ဟွာ)
ဖိလစ်ပိုင်နိုင်ငံသည် တရုတ်နိုင်ငံမှ ဝယ်ယူခဲ့သော Sinovac Biotech ၏ CoronaVac ကာကွယ်ဆေး ဒုတိယသုတ်အား ဧပြီ ၁၁ ရက်တွင် လက်ခံရရှိခဲ့ကြောင်း သိရသည်။ ယင်းကာကွယ်ဆေးများအား
မနီလာမြို့သို့ ဖိလစ်ပိုင်လေကြောင်းလိုင်းဖြင့် တင်ပို့ခဲ့ပြီး ဖိလစ်ပိုင်နိုင်ငံ၏ ကာကွယ်ဆေး ဝယ်ယူရေးဌာန တာဝန်ခံအရာရှိ Carlito Galvez ထံ လွှဲပြောင်းပေးအပ်ခဲ့သည်။

ဘန်ကောက်၊ဧပြီ ၁၂ ရက်(ဆင်ဟွာ)
ထိုင်းနိုင်ငံဘန်ကောက်မြို့ နှင့် အခြားပြည်နယ်များတွင် အစုလိုက်အပြုံလိုက်ကူးစက်မှုများ ဖြစ်ပွားခဲ့ခြင်းကြောင့် ဧပြီ ၁၁ ရက်က COVID-19 အတည်ပြုလူနာသစ် ၉၆၇ ဦးတွေ့ရှိခဲ့ရာ နေ့စဉ်ကူးစက်မှုအရေအတွက် အမြင့်ဆုံးရောက်ရှိခဲ့ကြောင်း COVID-19 အခြေအနေစီမံခန့်ခွဲရေးစင်တာ(CCSA) ၏ ထုတ်ပြန်ချက်အရ သိရသည်။

ဗျူနိုအေးရိစ် ၊ ဧပြီ ၁၁ ရက်(ဆင်ဟွာ)

အာဂျင်တီးနားနိုင်ငံ၌ နိုဗယ်လ်ကိုရိုနာဗိုင်းရပ်စ်ရောဂါ ဖြစ်ပွားသူ အရေအတွက်မှာ ၂,၅၁၇,၃၀၀ ဦးထိ မြင့်တက်လာခဲ့ပြီး သေဆုံးသူ ၅၇,၆၄၈ ဦး ရှိခဲ့ကြောင်း ကျန်းမာရေးဝန်ကြီးဌာနက ဧပြီ ၁၀ ရက်တွင် ထုတ်ပြန်ခဲ့သည်။

ပေကျင်း၊ ဧပြီ ၁၁ ရက်(ဆင်ဟွာ)

AstraZeneca ကာကွယ်ဆေးတွင် ဘေးထွက်ဆိုးကျိုးများရှိနိုင်ခြင်းကြောင့် ယင်းကာကွယ်ဆေး ပထမတစ်လုံးထိုးနှံပြီးသည့် အသက် (၅၅)အောက်ရှိသူ လူအုပ်စုများကို ဒုတိယမြောက်ကာကွယ်ဆေး အခြားအမျိုးအစား တစ်ခု ပြောင်းလဲထိုးနှံပေးမည်ဖြစ်ကြောင်း ပြင်သစ်အစိုးရက ဧပြီ ၉ ရက်တွင် ပြောကြားခဲ့သည်။

ဆန်တီယေဂို၊ဧပြီ ၁၁ ရက်(ဆင်ဟွာ)

တရုတ်နိုင်ငံ Sinovac ကုမ္ပဏီမှ ထုတ်လုပ်သော CoronaVac ကိုဗစ်ကာကွယ်ဆေး အသစ်တစ်သုတ်သည် ချီလီနိုင်ငံသို့ ဧပြီ ၁၀ ရက်တွင် ရောက်ရှိလာခဲ့ရာ ယင်းမှာ ချီလီနိုင်ငံ၏ COVID-19 တိုက်ဖျက်ရေး ကာကွယ်ဆေးထိုးနှံခြင်းအစီအစဉ်အတွက် အစိတ်အပိုင်းတစ်ရပ်ဖြစ်လာကြောင်း သိရသည်။

လာပါဇ်၊ ဧပြီ ၁၀ ရက် (ဆင်ဟွာ)

ဘိုလီးဗီးယားနိုင်ငံသည် နိုဗယ်ကိုရိုနာဗိုင်းရပ်စ်ရောဂါ အထူးသဖြင့် အလွယ်တကူ ပိုမိုကူးစက်နိုင်ပြီး ပိုမိုသေဆုံးနိုင်သော ဘရာဇီးဗီဇပြောင်းဗိုင်းရပ်စ် ပျံ့နှံ့မှုကို တားဆီးရန် ဘရာဇီးနိုင်ငံနှင့်ထိစပ်နေသော နယ်စပ်ကို နောက်ထပ် ၇ ရက် ပိတ်ထားရန် ဆုံးဖြတ်လိုက်ကြောင်း ဧပြီ ၉ ရက်က သိရှိရသည်။

ပနားမားစီးတီး၊ ဧပြီ ၁၀ ရက် (ဆင်ဟွာ)

ပနားမားနိုင်ငံ ကျန်းမာရေးအာဏာပိုင်များသည် တရုတ်နိုင်ငံဆေးဝါးကုမ္ပဏီ Sinovac မှ ထုတ်လုပ်ခဲ့သည့် CoronaVac ကာကွယ်ဆေးအား အရေးပေါ်အသုံးပြုရန် ဧပြီ ၉ ရက်တွင် အတည်ပြုခဲ့သည်။

ကိုပင်ဟေဂင် ၊ ဧပြီ ၁၀ ရက် (ဆင်ဟွာ)

ဥရောပတိုက်အလယ်ပိုင်းဒေသ ဧပြီ ၉ ရက် ဒေသစံတော်ချိန် ၁၀ နာရီအထိ ဒေသအတွင်း၌ COVID-19 ရောဂါကြောင့်သေဆုံးခဲ့ရသူစုစုပေါင်း ၁,၀၀၁,၃၁၃ ဦးအထိရောက်ရှိလာခဲ့ပြီး COVID-19 ရောဂါကူးစက်ခံရသူစုစုပေါင်း ၄၇ သန်းကျော်အထိ ရောက်ရှိလာခဲ့ကြောင်း ကမ္ဘာ့ကျန်းမာရေးအဖွဲ့ ဥရောပဒေသ လုပ်ငန်းဆောင်ရွက်မှုဌာန၏ ဧပြီ ၉ ရက်ထုတ်ပြန်ကြေညာချက်အရ သိရှိရသည်။