ကိုင်ရို ၊ မေ ၁၂ ရက် (ဆင်ဟွာ)

အာရပ်နိုင်ငံများမဟာမိတ်(အာရပ်အဖွဲ့ချုပ်) အဖွဲ့ဝင်နိုင်ငံများမှ နိုင်ငံခြားရေးဝန်ကြီးများသည် မေလ ၁၁ ရက်၌ အရေးပေါ် ဗီဒီယိုကွန်ဖရန့်တစ်ရပ်ကျင်းပပြုလုပ်ခဲ့ပြီး အစ္စရေးနိုင်ငံ၏ ဂျေရုဆလင်တွင် ပါလက်စတိုင်းလူမျိုးများအပေါ် ကျူးလွန်ခဲ့သည့် ဆောင်ရွက်မှုများနှင့် ပတ်သက်၍ ဆွေးနွေးတိုင်ပင်ပြီး ကြေညာချက်ထုတ်ပြန်ခဲ့ကြောင်း သိရသည်။

ဂျေရုဆလင်၊မေ ၁၂ ရက်(ဆင်ဟွာ)

အစ္စရေး-ပါလက်စတိုင်း နှစ်ဖက် အကြမ်းဖက်မှု တင်းမာမြင့်တက်နေစဉ်အတွင်း ပါလက်စတိုင်းဘက်မှ ဒုံးကျည်များဖြင့် ပစ်ခတ်တိုက်ခိုက်ခဲ့ခြင်းကို လက်တုံ့ပြန်သည့်အနေဖြင့် အစ္စရေး၏ ဂါဇာကမ်းမြောင်တွင် တနင်္လာနေ့၌ ပြုလုပ်သော လေကြောင်းတိုက်ခိုက်မှုများအတွင်း ကလေးငယ် ၉ ဦးအပါအဝင် အနည်းဆုံး ပါလက်စတိုင်း လူမျိုး ၂၀ ဦး သေဆုံးခဲ့ကြောင်း သိရသည်။ ထို့ပြင် အစ္စရေးက အင်္ဂါနေ့အထိ တိုက်ခိုက်မှုများကို ဆက်လက်လုပ်ဆောင်လျက်ရှိကြောင်းလည်း မျက်မြင်သက်သေများက ဆိုသည်။

ဂျေရုဆလင် ၊ မေ ၁၁ ရက် (ဆင်ဟွာ)

အစ္စရေးနိုင်ငံ ကာကွယ်ရေးတပ်ဖွဲ့က မေလ ၁၀ ရက်ညပိုင်းအချိန်၌ ကြေညာချက်တစ်ခု ထုတ်ပြန်ခဲ့ရာတွင် အစ္စရေးနိုင်ငံအနေဖြင့် ယင်းနေ့၌ ဂါဇာကမ်းမြောင်ဒေသရှိ ဟားမက်စ်(Hamas) အဖွဲ့၏ စစ်ဘက်ဆိုင်ရာ ပစ်မှတ်အများအပြားကို ဗုံးကြဲတိုက်ခိုက်ခဲ့ကြောင်း ဖော်ပြထားသည်။

ဂျေရုဆလင်၊ မေ ၁၁ ရက်(ဆင်ဟွာ)

ပါလက်စတိုင်း ပြည်သူလူထုနှင့် အစ္စရေး ရဲတပ်ဖွဲ့ဝင်များအကြား မေ ၁၀ ရက်က ဂျေရုဆလင်မြို့ဟောင်း Temple Mount ဘုရားကျောင်းတွင် အဓိကရုဏ်းပြင်းပြင်းထန်ထန် ထပ်မံဖြစ်ပွားခဲ့ရာ လူပေါင်း (၂၀၀)ကျော် ဒဏ်ရာရရှိခဲ့ကြောင်း သိရသည်။

ဂျေရုဆလင် ၊ မေ ၁၁ ရက်(ဆင်ဟွာ)

အစ္စရေးနိုင်ငံတောင်ပိုင်း နှင့် နယ်နိမိတ်ချင်းထိစပ်နေသော ဂါဇာဘက်မှနေ၍ အစ္စရေးဘက်သို့ ဦးတည်ကာ မေ ၁၀ ရက် ညနေပိုင်းက ဒုံးကျည် ၄၅ လုံးကျော် ပစ်လွှတ်တိုက်ခိုက်ခဲ့ကြောင်း အစ္စရေးကာကွယ်ရေးတပ်ဖွဲ့(IDF) ပြောရေးဆိုခွင့်ရှိသူ Jonathan Conricus က ပြောကြားခဲ့သည်။

ကဘူးလ်၊မေ ၉ ရက်(ဆင်ဟွာ)

အာဖဂန်နစ္စတန်နိုင်ငံ ကဘူးလ်မြို့ အနောက်ပိုင်းရှိ မိန်းကလေးသီးသန့်သင် အထက်တန်းကျောင်းတစ်ခု၏ ကျောင်းဝင်အပြင်ဘက်၌ ဖြစ်ပွားသော ပြင်းထန်သည့် ပေါက်ကွဲမှု သုံးခုအတွင်း သေဆုံးသူ ၅၀ ဦး နှင့် ဒဏ်ရာရသူ ၁၀၀ ကျော်အထိ မြင့်တက်လာခဲ့ကြောင်း အာဖဂန်ရဲတပ်ဖွဲ့က ကနေ့ မေ ၉ ရက်တွင် အတည်ပြုပြောကြားခဲ့သည်။

နိုင်ရိုဘီ ၊ မေ ၉ ရက်(ဆင်ဟွာ)

ကင်ညာနိုင်ငံ ကမ်းရိုးတန်းမြို့ငယ် Lamu တွင် တရုတ်နိုင်ငံမှ တည်ဆောက်ထားသောပင်လယ်ဆိပ်ကမ်း၌ မေ ၂၀ ရက်တွင် ပထမဆုံး သင်္ဘော ဆိုက်ကပ်မည် ဖြစ်ကြောင်း ကင်ညာနိုင်ငံ အစိုးရက ပြောကြားခဲ့သည်။

ဂျူဘာ ၊ မေ ၉ ရက်(ဆင်ဟွာ)

တောင်ဆူဒန်နိုင်ငံရှိ ကျန်းမာရေးဝန်ထမ်း အများအပြားသည် ဂျူဘာမြို့၌ တရုတ်ဘာသာစကား သင်ကြားရေးအတွက် ၈ သုတ်မြောက် ရောက်ရှိလာသော တရုတ်ဆေးဘက်ဆိုင်ရာ အဖွဲ့ဝင်များထံ မေ ၇ ရက်က စတင်စာရင်းပေးသွင်းခဲ့ကြကြောင်း သိရသည်။

တီဟီရန် ၊ မေ ၉ ရက်(ဆင်ဟွာ)

ဂျေရုဆလမ်မြို့ အရှေ့ဘက်တွင် တည်ရှိသော Al-Aqsa ဗလီအား အစ္စရေးရဲတပ်ဖွဲ့က ဝင်ရောက်စီးနင်းခဲ့ပြီး နှစ်ဖက်ပဋိပက္ခအတွင်း လူ ရာပေါင်းများစွာ ထိခိုက်ဒဏ်ရာရခဲ့ခြင်းအပေါ် အီရန်နိုင်ငံခြားရေးဝန်ကြီးဌာနက စနေနေ့တွင် ပြင်းထန်စွာ ကန့်ကွက်ရှုံ့ချလိုက်သည်ဟု နိုင်ငံပိုင် IRNA သတင်းဌာနက ဖော်ပြခဲ့သည်။